Plantun de Prouvènço

Pèr coumpara dos planto d'encò nostre

Hypericum montanum & Rhododendron ferrugineum

Hypericum montanum

Hypericaceae Guttiferaceae

Nom en français : Millepertuis des montagnes.

Descripcioun :
Lou trescalan-de-mountagno trachis dins lis orle de bos e de cop que i'a dins li pelouso de mountagno. Es uno planto bèn drecho sènso ramo de coustat e acabado pèr uno tèsto de flour. Apoundèn que li fueio óupousado e espassejado sus la cambo, an ges de pecou e soun bourdado de glando negro, coume li sepalo (vèire li fotò à man drecho).

Usanço :
Dins d'ùni trescalan es esta trouba de prouprieta anti-óussidanto. Pamens n'en couneissèn ges d'usanço pratico. Escriéure au site se n'en sabès mai.

Port : Erbo
Taio : 30 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Hypericum
Famiho : Hypericaceae
Famiho classico : Guttiferaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 10 à 15 mm
Flourido : Printèms - Estiéu

Sòu : Ca (Si)
Autour basso e auto : 0 à 1900 m
Aparado : Noun
Jun à avoust

Liò : Orle de bos - Pelouso - Bos
Estànci : Subremediterran à Subaupen
Couroulougi : Paleoutemperado
Ref. sc. : Hypericum montanum L., 1755

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.